Plantun de Prouvènço

Pèr coumpara dos planto d'encò nostre

Aristolochia pistolochia & Egeria densa

Gouderlo

Aristolochia pistolochia

Aristolochiaceae

Autre noum : Melounado.

Noms en français : Aristoloche pistoloche, Pistoloche.

Descripcioun :
Aquesto fóuterlo trachis dins li tepiero roucaiouso de colo. A de gròssi racino d'ounte parton de mato de tijo primo, drecho e ramificado. Se destrìo dis àutri fóuterlo, subretout bonodi si fueio en triangle emé li bord ounda, portado pèr un pecou. Li flour soun bruno e pas raiado de jaune.

Usanço :
Li fóuterlo soun tóuti empouisounanto e couneigudo pèr si poudé avourtiéu (Aristolochia, dóu grè, aristos : eicelènt, e locheia : acouchamen).

Port : Erbo
Taio : 15 à 50 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Aristolochia
Famiho : Aristolochiaceae

Ordre : Piperales

Coulour de la flour : Brunello
Petalo :
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 800 m
Aparado : Noun

Liò : Roucaio - Tepiero seco - Colo
Estànci : Termoumediterran à Subremediterran
Couroulougi : Pancaro entresigna
Ref. sc. : Aristolochia pistolochia L., 1763

Eloudèio(-espesso)

Egeria densa

Hydrocharitaceae

Nom en français : Élodée dense.

Descripcioun :
L'éloudèio-espesso, que nous vèn de l'Americo dóu miejour, trachis en coulounìo dins l'aigo tranquilo. Se recounèis à si fueio groupado pèr mai que tres (subretout en aut di cambo), longo de 10 à 13 mm e proun torso vers lou bas. Au nostre, i'a soulamen de flour masclo, de gròssi flour, à la fin de l'estiéu, que dounon d'èr à li de l'Hydrocaris. Coumpara emé l'eloudèio-dóu-Canada que ié sèmblo proun, mai si fueio soun toujour groupado pèr tres.

Usanço :
Es uno planto envahissènto mens coumuno que sa cousino dóu Canada, pamens es en trin de s'espandis proun rapidamen. Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 150 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Egeria
Famiho : Hydrocharitaceae

Ordre : Alismatales

Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Avoust à setèmbre

Liò : Aigo - Lono - Roubino - Ribiero
Estànci : Termoumediterran à Coulinen
Couroulougi : Óurigino Americo-Sud
Ref. sc. : Egeria densa Planch., 1849 (= Elodea densa (Planch.) Casp. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Aristolochia pistolochia & Egeria densa

Coumpara Gouderlo emé uno autro planto

Coumpara Eloudèio(-espesso) emé uno autro planto